ಪ್ರೀತಿ- ರಾತ್ರಿ

ಮರೆಯುತಿರೋ ನೆನಪ ತೆಗೆದು,
ಎದೆಯ ಪುಟವ ನೋಡಬೇಡ,
ಕರಗುತಿರೋ ಕನಸ ನೆನೆದು,
ಪ್ರೀತಿಯ ಕಡೆಗಣಿಸಬೇಡ..
ಪ್ರತಿ ಪುಟದ ಒಳಗೂನಿನ್ನದೇ.
ಕಾಲ್ನಡಿಗೆಯಾ ಹೆಜ್ಜೆ ಗುರುತು..
ಅಳಿಸಲಾಗದ ಹಚ್ಚೆ ಮನದೀ..

ಆ ದಿನದ ಸಲಿಗೆಗೆ..
ಸ್ನೇಹದ ಹೊಲಿಗೆಯ ಹಾಕಿ..
ಪ್ರೀತಿಯ ಚಾದರ ಹೊಲಿದೆ..
ಈ ಮನದ ಪ್ರತಿ ಸಾಲಿನ ಕೊನೆಗೆ..
ಆರದ ದೀಪವ ಹಾಕಿ,ಚಂದಿರನ ಮೊಗ ತೊಳೆದೆ..

ಕೂಡಿಸುವ ಲೆಕ್ಕ ಇರಲಿ..
ಕಳೆಯುವ ಭಾಗ ಬೇಡ..
ನೆತ್ತಿಯ ಸೂರ್ಯ ಬರುವರೆಗೂ...

ನೆರಳ ಜಾಡೇ ಹಿಡಿದು..
ನಿನ್ನನು ಹುಡುಕಿಸಬಲ್ಲೇ..
ಕರಾಳ ರಾತ್ರಿಲೂ ಕೂಡ,
ಬೆಳಕನು ಹರಿಬಿಡಬಲ್ಲೇ..
ಎಲ್ಲಾ ಕಾವಲು ದಾಟಿ..ನಿನ್ನ ನಿವಾಸ ಬರುವವರೆಗೂ..

ಸೆರೆಯಾಗುವ ಭೀತಿಗೇ ವನವಾಸ...